သင်ခန်းစာအသစ်တွေကို လေ့လာတဲ့အခါ ပိုပြီးထိရောက်စေမယ့် ကျန်ရှိနေတဲ့ အချက်လေးတွေကို ဆက်လက်မျှဝေပေးချင်ပါတယ်။ စာကျက်နေရင်း ခေတ္တခဏရပ်ပြီး ကိုယ်သင်ယူလိုက်တဲ့အရာကို ပြန်လည်ဆန်းစစ်ဖို (Pause and check understanding) ဟာ အလွန်အရေးကြီးပါတယ်။ အကယ်၍ သင်က သင်ခန်းစာတစ်ခုကို ၅ နှစ်အရွယ် ကလေးတစ်ယောက် နားလည်အောင် ရှင်းပြနိုင်တဲ့အထိ ရိုးရှင်းအောင် ပြောပြနိုင်ပြီဆိုရင် ဒါဟာ သင်တကယ်နားလည်သွားပြီဆိုတဲ့ လက္ခဏာပါပဲ။ ဒါ့အပြင် အမြဲတမ်း စပ်စုတတ်တဲ့စိတ်နဲ့ မေးခွန်းတွေ မေးဖို (Ask questions) ဝန်မလေးပါနဲ့။ မေးခွန်းများများ ထွက်လာလေလေ၊ အဲဒီဘာသာရပ်အပေါ် သင့်ရဲ့ နားလည်မှုက ပိုပြီး နက်ရှိင်းလာလေလေ ဖြစ်ပါတယ်။
မှတ်စုထုတ်တဲ့အခါမှာလည်း စာအုပ်ထဲကအတိုင်း ကူးရေးမယ့်အစား မိမိရဲ့ ကိုယ်ပိုင်စကားလုံးတွေနဲ့ (Own words) ပြန်လည်အဓိပ္ပာယ်ဖွင့်ဆိုတာက ပိုပြီးမှတ်မိစေပါတယ်။ ခက်ခဲနက်နဲတဲ့ စကားလုံးတွေ သုံးစရာမလိုဘဲ ကိုယ်နားလည်သလို ရိုးရိုးရှင်းရှင်းပဲ ချရေးပါ။ သင်ခန်းစာတစ်ခု ပြီးဆုံးသွားတိုင်းမှာလည်း ဘာတွေသင်ခဲ့သလဲဆိုတာကို အမြန်ဆုံး အနှစ်ချုပ်ပြီး ပြန်လည်သုံးသပ်တဲ့ (Summarize and reflect) အလေ့အကျင့် လုပ်ထားသင့်ပါတယ်။
နောက်ဆုံးတစ်ချက်အနေနဲ့ နေ့စဉ်သင်ယူခဲ့သမျှကို အနှစ်ချုပ်မှတ်တမ်း (Daily lesson summary) ရေးထားခြင်းက စာမေးပွဲနီးလာတဲ့အခါမှာ သင့်အတွက် ရတနာတစ်ပါးလို ဖြစ်လာပါလိမ့်မယ်။ အရာအားလုံးကို အစကနေ ပြန်ဖတ်စရာမလိုဘဲ ဒီအနှစ်ချုပ်လေးတွေကိုပဲ ပြန်ကြည့်လိုက်ရုံနဲ့ အချိန်အများကြီး သက်သာစေမှာပါ။ ဒီနည်းလမ်းတွေကို ပေါင်းစပ်အသုံးပြုသွားမယ်ဆိုရင်တော့ ဘယ်လောက်ခက်တဲ့ သင်ခန်းစာပဲဖြစ်ဖြစ် ပိုင်ပိုင်နိုင်နိုင် လေ့လာနိုင်မှာ သေချာပါတယ်။ #igcse #notes #trphillips #studytips